HIRU TXERRITXOAK

 

Hiru txerritxo etxean bizi

ziren amaren ondoan,

nahi bezain beste janik ez zuten

mahaian jarritakoan.

Hala etxean ez zegoena

egon ziteken kanpoan.

Hara behin baten zer gertatu zen

goiza argitzerakoan.


MARI ERRAUSKIN

 

Behin bazen gizon alargundu bat

bere alabarekin,

ezkondu zena bi alaba zeuzkan

andre txar batekin.

Aita urrun lanean fin,

ta alaba Mari Errauskin

etxe zuloan (maite ez zuten

beste hirurekin).


TXANOGORRITXO

 

Txanogorritxo deitzen

zioten neskato

baten pasartetxo bat

daukat zuentzako.

Neska hau beti zen prest

enkargutarako,

ta beti prest amaren

esanetarako;

maitagarria eta

zintzoa zelako.


TXORI ABESLARIA

 

Txori abeslari bat

bazen baso baten,

inoiz egun txarrik ez

zuena izaten.

Kabian lau kumetxo

zituen, azalpen

asko alperrik ari

zen beti ematen,

txorrotxio askorik

egin ez zezaten.


SANT JORDI ETA HERENSUGEAREN KONDAIRA

 

Istoritxo bat kontatzera

nihoakizue ri-rau,

Catalunyako Mont Blanc herrian

kokatzen da kondaira hau.

Sant Jordik egin zuen balentri

hark oraindik zutik dirau,

eta ni behintzat entzun orduko

oilo ipurdiz jartzen nau.


ZAZPI ANTXUMETXOAK

 

Bazen behin ahuntz bat zazpi antxume

zeuzkana, eta tarteka

esnea saltzera azokara

egiten zuena buelta.

Behin ahuntzak antxumeei eskatu

zien jartzeko arreta:

- Atea inori ez zabaldu

otsoa gertu da eta!


PINOTXO

 

Italiako herri batean

bazen Gepeto izena

zuen arotz bat, oso jatorra,

ta langile fina zena.

Behin egurrezko panpin bat egin

zuen, oso nabarmena!

Ez izan arren izan nahi zuen

semea zirudiena.


OÑATIKO JENTILAK

 

Gertakizun bat kontatuko dut;

kondairaren arabera

duela zenbait mende Oñatin

gertatutakoa, bera.

San Pedro auzoko bordari batek

ohitura zuen antzera

ferira joan nahi zuen ondoko

errekatik bestaldera.


TXITXIRIO TXIKI

 

Duela zenbait mende

Txiritxio Txiki

deitzen zioten mutil

txiki-txiki bati

gertatu zitzaiona

bertso bidez aurki

kontatuko dizuet

poliki-poliki.


HAMELINGO TXIRULARIA

 

Hamelin izeneko

herri batean zer

gertatu zen behin baten

bertso bidez laster

kontatuko dizuet.

Ez banago oker,

herri aberats hartan

ez zen falta ezer.


EDURNEZURI

 

Bazen behin herrialde urrun baten

neska zintzo ta liraina,

erregina zen bere amaordeak

ez zuen gogoko baina!

Azken hau hain zen gaiztoa ezen

sentitzen zen denak adina,

nahiz egun batez ustez menpean

zuen batek hartu gaina.